Правила за содржина на Airbnb

Со објавување содржини на Airbnb, се согласувате да ги почитувате нашите правила за содржини. Содржината вклучува какви било пишани, фотографски, звучни, видео или други содржини, вклучувајќи ги следниве:

• Пишан текст: наслови и описи на огласи, профилни страници, јавни и приватни рецензии, повратни коментари, објави во „Центарот на заедницата“ и пораки до Airbnb, домаќини или гости.
• Слики: фотографии и видеа, како и слики кои можат да се видат на фотографии и видеозаписи (како што се постери или уметнички дела закачени на ѕид).

Го задржуваме правото по наша сопствена проценка, целосно или делумно да ја отстраниме секоја содржина која ги прекршува овие правила, нашите „Услови за користење“, „Стандарди на заедницата“, „Правила за рецензии“ во согласност со нашите „Услови за користење“. Во случај на сериозни прекршувања или прекршувања што се повторуваат, може и да ја ограничиме, суспендираме или отстраниме сметката на Airbnb поврзана со нив.

Следниве содржини не се дозволени на Airbnb:

• Содржини создадени исклучиво со цел за рекламирање или други комерцијални содржини, вклучувајќи и логоа на фирми, линкови или имиња на фирми.
• Несакана пошта, несакан контакт или содржини што постојано се споделуваат на начин кој ја нарушува нормалната комуникација.
• Содржини со коишто се поддржуваат или промовираат нелегални или штетни активности или кои се сексуално експлицитни, содржат насилство, грубост, закана или малтретирање.
• Содржини со коишто се дискриминира (за повеќе информации, разгледајте ја нашата „Политика против дискриминација“).
• Содржина во која некој се обидува да се претстави како друго лице, сметка или деловен субјект, вклучувајќи и претставник на Airbnb.
• Содржини што се нелегални или ги кршат правата на друго лице или деловен субјект, вклучувајќи ги и правата на интелектуална сопственост и правата на приватност.
• Содржини во коишто се вклучени приватни информации на друго лице, вклучувајќи и содржини што се доволни за да се препозне локацијата на сместувањето.
• Содржини што не се дозволени во согласност со нашите „Правила за ограничени содржини“.

Дополнителни прекршоци на правилата за конкретни видови содржини:

Наслови на огласите

• Наслови на огласи што вклучуваат информации што не се релевантни за видот на сместувањето, стилот или доживувањето.
• Наслови на огласи што вклучуваат симболи или емотикони.

Страница со огласот или профилна страница

• Огласи и профили кои даваат неточни, погрешни информации или информации што доведуваат до заблуда.

Центар на заедницата

• Содржина што не е на темата, не е прашање или не нуди одговор на прашање што е дел од поголема дискусија.
• Содржини што ги малтретираат или постојано се насочени кон членовите на заедницата.

Рецензии

• Рецензии што ги прекршуваат нашите „Правила за рецензии“.

Приспособени URL-адреси

• Персонализирани веб-адреси кои не се придржуваат до нашите „Приспособени правила за URL-адреси“.

Содржини поврзани со COVID-19

• За да помогнеме во борбата против ширењето на погрешни информации поврзани со пандемијата на COVID-19, обезбедивме упатства во врска со „Правилата за содржини“ на Airbnb и за корона вирусот.

Како да пријавите содржина што ги прекршува нашите правила

Ако сметате дека содржината ги прекршува овие правила, може да ја пријавите директно преку апликацијата или да нѐ контактирате.